7. Drivhusgassinik silaannarmik mingutsitsineq

Drivhusgassinik silaannarmik mingutsitsinermik naatsorsuinerit nunani tamalaani drivhusgassinik mingutsitsinerup annikilliartortinneqarnera malinnaavigineqarsinnaaqqullugu suliarineqartarpoq. 2013-imiit 2020-mut Kalaallit Nunaat silap pissusaanut EU-mi ESD-mik taaneqartartumik (byrdeforpligtigelsesaftale) akisussaaffilerneqanngilaq. Taamaakkaluartorli Kalaallit Nunaat pisussaatitaavoq silaannarmik mingutsitsineq pillugu ukiumut FN-imi Silaannaq pillugu isumaqatigiissummut (FN’s Klima konvention (UNFCCC)) nalunaarusiortassalluni, silaannarmik drivhusgassinik mingutsitsineq takussaassunngortissallugu.

 

Nukissiuutinit atuinermit allaniillu drivhusgassinik mingutsitsineq, CO₂-mik mingutsitsinertut nalunaarutigineqarnikuupput. Kalaallit Nunaannit silaannarmik mingutsitsineq nalunaarutigineqartarpoq ukunannga pisoq: metan CH₄, lattergassi N₂O, hydroflour-karbonit HFC aamma svovlhexaflouridi SF_6.  CO₂—mik mingutsitsinerit tamarmik sanilliullugit (CO₂- -ækvivalent) naatsorsorneqarput. 

 

Naatsorsueqqissaartarfiup mingutsitsineq tamarmiusoq aamma mingutsitsineq silap pissusaa tunngavigalugit iluarsisat nalunaarutigineqartarput, silap pissusaa tunngavigalugu iluarsisat ukiumiit ukiumut silap kiassusaa apeqqutaatillugu suliarineqartarput. Silap pissusaa tunngavigalugu iluarsisat atorlugit tunngaviusumik ineriartorneq takuneqarsinnaasarpoq.

 

2020-mi nukissiuutinit atukkanit drivhusgassinik silaannarmi mingutsitsineq 536.716 ton CO₂-ækvivalentiuvoq (sanilliussinerup inernera). 2019-imut sanilliullugu 3,3 pct.-imik appasinnerulluni. 1990-imut sanilliullugu nukissiuutinit atukkanit drivhusgassimik silaannarmik mingutsitsineq 14,2 pct.-imik appasinneruvoq. 2020-mi silaannarmik mingutsitsinermi drivhusgassi kuldioxid (CO₂) 532.913 tonsiusimavoq, nukissiuutinit atuinermit mingutsitsinerup 99,3 pct.-eralugu.

 

2020-mi silap pissusaa tunngavigalugu iluarsiisoqareerneranit nukissiuutinit atukkat 5,6 pct.-inik apparsimapput, ukiup siulianut naleqqiullugit. 1990-imut naleqqiullugit 13,6 pct.-imik apparsimasut.

 

Titartagaq 37. Nukissiuutinit atuinermit drivhusgassinik silaannarmik mingutsitsineq

 

Najoqqutaq: Naatsorsueqqissaartarfik, https://bank.stat.gl/ENN2CO2e

 

Ikummatissat assigiinngitsut eqqarsaatigalugit 1990-imiit nukissiuutini atorneqartuni ikummatissat atorneqartut allanngorsimapput. Nukissiuutit ataavartut atorneqalerput, tamannalu pissutaalluni gasoliap atorneqarnera annikillineqarluni.

 

Nukissiuutinik atuinerup allanngornera pissutigalugu drivhusgassinik silaannarmik mingutsitsineq annikillinngilaq. Kalaallit Nunaanni aningaasaqarneq ineriartoraangat nalinginnaasumik nunap iluanit ikummatissat atorneqarnerat annertusisarpoq.

 

1989-imi eqqakkat ikuallanneranniit kissap atuutsilernera aamma 1993-imi imeq atorlugu nukissiuutit atulernerannit, nukissiuutit atajuartussat annertusiartuinnarput. Nukissiuutinik atuinerup ineriartornera annertusiartoraluartoq, nukissiuutit ataavartut annertusiartuaarsimanerat pissutigalugu drivhusgassimik mingutsitsineq annertunerulersimanngilaq. Taamaasilluni 1990-imiilli nukissiuutinik atuineq 3,5 pct.-inik qaffassimagaluartoq nukissiuutinik atuinermit drivhusgassinik mingutsitsineq 14,2 pct.-inik apparsimavoq.

 

Titartagaq 38. Drivhusgassinik silaannarmik mingutsitsineq ikummatissanut mingutsitsisunut immikkoortiterlugit

 

Najoqqutaq: Naatsorsueqqissaartarfik, https://bank.stat.gl/ENN2CO2e

 

Nukissiuutinut ikummatissanik atuinerup allanngornera, tassa nunap iluanit ikummatissanit nukissiuutinit atajuartunut atuilerneq pissutaalluni ikummatissanit drivhusgassimik mingutsitsineq annikillivoq. 2020-mi GJ ataasiakkaarlugit 60,8 kg drivhusgassiusimapput 1990-imi 73,3 kg-usimasut. 17,1 pct.-imik appasinnerulluni. 2020-mi ikummatissanit ataasiakkaanit drivhusgassimik mingutsitsineq appalaarsimavoq ukiup siulianut sanilliullugu, tamannalu pissuteqarpoq imeq atorlugu nukissiornerup annertusisimaneranik, nunap iluanit ikummatissanit atuinermit annerunerusumik, tassunga tunngatillugu titartagaq 39 takuuk.

 

Titartagaq 39. Ikummatissanut atorlugit drivhusgassinik silaannarmik mingutsitsineq

 

Najoqqutaq: Naatsorsueqqissaartarfik, https://bank.stat.gl/ENN2CO2e aamma https://bank.stat.gl/ENN1ACT

 

2020-mi nukissiuutinit atuinernit drivhusgassinik silaannarmik mingutsitsineq tamarmiusoq 536.716 tonsiusimavoq CO₂-ækvivalent (CO₂-mik sanilliussinermi). Taakkunannga 96.309 tons nukissiornermeersuuvoq 97.489 tons angallassinermit assartuinermillu, 51.747 tons niuernermit aamma kiffartuussinermik inuussutissarsiortunit, 109.002 tons angerlarsimaffinnit, 109.002 tons inuussutissarsiortunit tunisassiortuni, 150.246 tons nunalerinermit aamma alisarnermit, 150.246 tonsi aatsitassanik piianermit aamma aatsitassanik misissuinermit, aatsitassanik suliaqarneq tunisassiornermik inuussutissarsiortunut ilanngunneqarpoq 2010-mut aamma 2011-mut (oliasiornerup nalaani) drivhusgassinik mingutsitsisimanerannut assersuunniarlugit.

 

1990-imiit 2020-mut nukissiorneq 86.597 ton CO₂-ækvivalentimik apparsimavoq, 47,3 pct.-iulluni.

 

Titartagaq 40. Drivhusgassinik silaannarmik mingutsitsineq mingutsitsisunut immikkoortillugu

 

Najoqqutaq: Naatsorsueqqissaartarfik, https://bank.stat.gl/ENN2CO2e

 

Tabel 11. Drivhusgasimik silaannarmik mingutsitsineq, nukissiuutinut immikkoortillugit

	1990	2000	2010	2016	2017	2018	2019	2020
	1.000 ton CO2-ækvivalent
Silaannarmik mingutsitsineq tamakkerlugu ..................	625.203	667.978	679.619	526.264	543.461	544.111	554.814	536.716
Silaannarmik mingutsitsineq ikummatissanut mingutsitsissutinut immikkoortillugit................	625.203	667.978	679.619	526.264	543.461	544.111	554.814	536.716
Motorbenzin ....................	22.268	32.908	41.006	48.098	48.589	51.427	57.776	57.327
DFA ..........................	0	16.843	15.454	13.820	13.919	13.877	12.475	12.489
Gasolia .......................	549.424	548.723	550.586	367.311	373.318	386.247	373.073	400.709
Petroliu .......................	50.210	63.754	60.517	52.526	58.993	58.974	61.340	33.766
Flybenzin ......................	-	-	198	57	50	48	91	13
Fuelolia .......................	-	-	3.885	34.661	38.663	23.452	39.995	21.950
Spildolia .......................	712	719	724	716	716	716	718	719
Igitassat .......................	1.763	4.612	6.983	8.861	9.013	9.171	9.171	9.570
LPG ..........................	827	419	267	215	201	199	174	172
Silaannarmik mingutsitsineq atuiffiusunut mingutsitsisunut immikkoortillugit................	625.203	667.978	679.619	526.264	543.461	544.111	554.814	536.716
Nuussinerit (Konverteringssektor) ....	182.907	132.785	107.441	91.180	93.736	97.919	90.644	96.309
Nukissiuutinit atuineq tamakkerlugu	442.297	535.194	572.179	435.084	449.725	446.191	464.171	440.407
Assartuineq  ....................	105.469	113.837	134.379	119.297	124.846	119.426	132.728	97.489
Nunalerineq aamma aalisarneq .....	104.307	179.651	116.112	137.398	144.950	139.947	149.816	150.246
Aatsitassarsiorneq aamma aatsitassanik misissueqqissaarneq..............	2	1	128.499	2.846	3.064	6.500	6.276	4.411
Tunisassiorluni inuussutissarsiortut ...	26.534	48.273	30.485	25.384	25.230	25.814	25.205	27.513
Niuernermik aamma kiffartuussinermik inuussutissarsiortut ...............	50.143	57.517	47.051	50.544	50.258	52.311	50.741	51.747
Angerlarsimaffiit .................	155.841	135.915	115.654	99.616	101.376	102.193	99.405	109.002

 

Najoqqutaq: Naatsorsueqqissaartarfik, https://bank.stat.gl/ENN2CO2e

 

Tabel 12. Nukissiuutinit atuinernit drivhusgasimik silaannarmik mingutsitsineq, silap pissusaa tunngavigalugu iluarsiinerit

	1990	2000	2010	2016	2017	2018	2019	2020
	1.000 ton CO2-ækvivalent
Silap pissusaa tunngavigalugu iluarsiinerit tamakkerlugit ........	616.536	666.600	710.123	531.131	541.656	533.278	564.125	532.447
Silaannarmik mingutsitsineq ikummatissanut mingutsitsissutinut immikkoortillugit................	616.536	666.600	710.123	531.131	541.656	533.278	564.125	532.447
Motorbenzin ....................	22.268	32.908	41.006	48.098	48.589	51.427	57.776	57.327
DFA ..........................	0	16.780	16.929	14.045	13.838	13.396	12.865	12.323
Gasolia .......................	541.263	547.507	577.374	371.506	371.766	376.915	381.112	396.954
Petroliu .......................	49.790	63.685	61.564	52.723	58.910	58.500	61.730	33.635
Flybenzin ......................	-	-	198	57	50	48	91	13
Fuelolia .......................	-	-	3.885	34.661	38.663	23.452	39.995	21.950
Spildolia .......................	712	719	724	716	716	716	718	719
Igitassat .......................	1.697	4.583	8.150	9.107	8.924	8.632	9.658	9.355
LPG ..........................	807	417	294	218	200	192	180	170
Silaannarmik mingutsitsineq atuiffiusunut mingutsitsisunut immikkoortillugit................	616.536	666.600	710.123	531.131	541.656	533.278	564.125	532.447
Nuussinerit (konverteringssektor) ....	181.847	132.639	110.732	91.875	93.440	96.160	91.976	95.653
Nukissiuutinit atuineq tamakkerlugu	434.689	533.961	599.392	439.256	448.216	437.118	472.149	436.794
Assartuineq  ....................	105.469	113.837	134.379	119.297	124.846	119.426	132.728	97.489
Nunalerineq aamma aalisarneq .....	104.307	179.651	116.112	137.398	144.950	139.947	149.816	150.246
Aatsitassarsiorneq aamma aatsitassanik misissueqqissaarneq..............	2	1	128.499	2.846	3.064	6.500	6.276	4.411
Tunisassiorluni inuussutissarsiortut ...	26.534	48.273	30.485	25.384	25.230	25.814	25.205	27.513
Niuernermik aamma kiffartuussinermik inuussutissarsiortut ...............	48.292	57.150	54.920	51.948	49.758	49.239	53.438	50.584
Angerlarsimaffiit .................	150.086	135.049	134.997	102.384	100.367	96.192	104.687	106.552

Najoqqutaq: Naatsorsueqqissaartarfik, https://bank.stat.gl/ENN2CO2e